இந்த உலகத்தைக் கண்டு ரசிப்பதற்கு நமக்கு அளிக்கப்பட்டிருக்கும் அதிசய உறுப்பு - கண். இது எவ்வாறு இயங்குகிறது?

நமது கண் ஒரு கேமிராவைப் போன்று இயங்குகிறது. ஒளியின் உதவியுடன் ஒரு கேமிரா பொருட்களைப் படம் பிடிப்பதைப் போல, நமது கண்ணும் ஒளியின் உதவியுடன் பொருட்களின் உருவத்தை கணப்பொழுதில் படம்பிடித்து, மனதில் பதிவு செய்து, பின்பு அதை மூளையில் விருத்தி(டெவலப்) செய்கிறது. கண்ணின் அனைத்து பாகங்களும் ஒருங்கிணைந்து, ஒரு குழுவைப் போன்று இயங்கி நமக்குப் பார்வை அளிக்கிறது. இதில் ஃபிலிம் போன்றுள்ள ‘கார்னியா’(விழிப்படலம்) என்ற பாகம் முக்கிய பங்கு வகிக்கிறது. கருமையான ‘கண் மணி’க்குள் நுழையும் ஒளிக்கதிர்களை, ‘கார்னியா’ திசைதிருப்புகிறது. திசை திரும்பிய ஒளிக்கதிர் ‘கண்மணி’க்குப் பின்னால் உள்ள ‘லென்ஸ்’-ஐச் சென்றடைகிறது. இந்த ‘லென்ஸ்’ தனது உருவத்தை மாற்றிக் கொண்டு, தொலைவில் மற்றும் அருகில் உள்ள பொருட்களின் மீது ஒளிக்கதிர்களை ஒருமுனைப்படுத்துகிறது. இச்செயல் ‘அக்காமடேஷன்’ எனப்படுகிறது.

கேமிரா-வில் உள்ள ஃபிலிமைப் போன்று இயங்கும் ‘ரெடினா’-வில், ‘லென்ஸ்’ ஒரு தலைகீழ் உருவத்தைப் பதிக்கிறது. பதிக்கப்பட்ட உருவம், மின் விசைகளாக மூளைக்குள் செலுத்தப்பட்டு, அங்கு அவை விருத்தி(டெவலப்) செய்யப்படுகின்றன.

கண் அனாடமி (பாகங்கள்)

View of an iris and pupil	View of tear ducts

Diagram of the eye muscles

View of the left eye muscles

View of the eye muscles

ஸ்க்ளீரா(விழி வெளிப்படலம்):

கண்ணின் வெளிப்புறம் உள்ள வெள்ளை பாகம்; கண்ணின் மென்மையான உட்பாகங்களுக்குப் பாதுகாப்பு அளிக்கிறது.

கிருஷ்ணபடலம்:

கண்மணியின் அளவைக் கட்டுப்படுத்தும் மென்மையான தசைகளைக் கொண்ட (படத்தில் நீல நிறத்தில் உள்ள) பாகம்.

கண்மணி:

கிருஷ்ணபடலத்தின் நடுவில் உள்ள ஒரு சிறிய கருப்பு புள்ளி; ‘ரெடினா’வுக்குள் செல்லும் ஒளியின் அளவைக் கட்டுப்படுத்துகிறது. இருட்டில் விரிவடைந்து அதிக ஒளியை உள்ளே செலுத்துகிறது; மிகுதியான வெளிச்சத்தில் குறுகி அதிக ஒளி உள்ளே செல்வதைத் தடுக்கிறது.

‘அக்வஸ் ஹுமர்’(முன்புறக்கண் ரஸம்):

‘சீலியரீ பாடி’யால் சுரக்கப்படும் ஒரு திரவம்; இது கண்ணின் முன்னும் பின்னும் சுற்றிப் பாய்ந்து கண் அழுத்தத்தைப் பராமரிப்பதுடன், ‘கார்னியா’ மற்றும் ‘லென்ஸு’க்கு ஊட்டம் அளிக்கிறது.

‘மேகுலா’:

‘ரெடினா’வின் ஒரு சிறிய பகுதி; ஒளிக்கதிர்களை ஒருமுனைப்படுத்தி நிறங்களை காணச் செய்கிறது.

‘சீலியரீ பாடி’:

‘அக்வஸ் ஹுமரை’ சுரக்கும் சுரப்பியைக் கொண்டுள்ளது; ‘லென்ஸி’ன் வளைவைக் கட்டுப்படுத்த விரிவடைந்தும் குறுகியும் கொடுக்கும் ஒரு தசையையும் கொண்டுள்ளது.

‘ஆப்டிக் டிஸ்க்’:

கண் நரம்பும் ‘ரெடினா’வும் சந்திக்கும் இடம்; ஓளிக்கதிர்களால் எந்த மாற்றமும் அடையாததால், இது ‘ப்ளைண்ட் ஸ்பாட்’ என்று அழைக்கப்படுகிறது.

‘விட்ரியஸ் ஜெல்’:

கண்களை நிறைத்து, அதற்கு உருண்டையான உருவம் அளிக்கும் ஒரு ‘ஜெல்’.

‘கோராய்ட்’:

‘ஸ்க்ளீரா’வுக்கும் ‘ரெடினா’வுக்கும் இடையில் அமைந்துள்ளது; இரத்த நாளங்களைக் கொண்டமைந்து இது கண்ணுக்கு ஊட்டம் அளிக்கிறது.

‘ஸோனுலே’:

‘லென்ஸை’ ‘சீலியரீ’ தசையுடன் இணைத்து, அதன் உருவத்தை/வளைவை மாற்ற உதவும் நூல் போன்ற பாகம்.

குறையற்ற கண்பார்வை

பார்வையில் ஏற்படும் குறைபாடுகள்

கிட்டப்பார்வை(மயோபியா)

• ஒருவரால் அருகே உள்ள பொருட்களை நன்றாக காண முடியும்; ஆனால், தொலைவில் உள்ள பொருட்கள் மங்கலாகத் தெரியும்.
• இதற்குக் காரணம் கார்னியா அல்லது லென்ஸில் உள்ள குறையினால், கண்ணுக்குள் நுழையும் ஒளி திசைதிருப்பப்படாமல் இருத்தல், அல்லது கண்விழி மிகுதியாக நீண்டு இருத்தல்.
• கார்னியா பொருட்களின் உருவத்தை ரெடினாவில் பதிப்பதற்கு பதிலாக, ரெடினவின் முன்புறம் பதிக்கிறது.

தூரப்பார்வை(ஹைபரோபியா)

• ஒருவரால் தொலைவில் உள்ள பொருட்களை நன்றாக காண முடியும்; ஆனால், அருகில் உள்ள பொருட்கள் மங்கலாகத் தெரியும்.
• இதற்குக் காரணம் கார்னியா அல்லது லென்ஸ் சரியான முறையில் இயங்காமல் இருத்தல், அல்லது கண்விழி சுருங்கி இருத்தல்.
• கார்னியா பொருட்களின் உருவத்தை ரெடினாவில் பதிப்பதற்கு பதிலாக, ரெடினவின் பின்புறம் பதிக்கிறது.

ஆஸ்டிக்மாடிஸம்

• கார்னியாவின் உருவம் மேடு பள்ளமாக இருப்பதால், அது ஒளிக்கதிர்களை வளைத்து ஒளியை பல்வேறு திசைகளில் சிதறச்செய்கிறது. இதனால் பொருட்கள் மங்கலாகவும் உருவம் சிதைந்தும் காணப்படுகின்றன.

காட்டராக்ட்

மேக மூட்டம் சூரியனை மறைப்பதைப் போல, லென்ஸ் மறைக்கப்படும் போது ‘காட்டராக்ட்’ உருவாகிறது. இதன் விளைவுகள் - மங்கலான பார்வை, இரவில் பார்வைக் குறைவு, ஒளியில் கண் கூசுதல்.

பொதுவாக முதுமை காரணமாக இது தோன்றினாலும்(‘செனைல் காட்டராக்ட்), சிலருக்கு பிறவியிலேயே தோன்றுகிறது(‘கன்ஜெனிட்டல் காட்டராக்ட்). அதிர்ச்சி, மருந்துகள், நீண்டகால ரணம்/கட்டி ஆகியவையும் காட்டராக்ட் தோன்றக் காரணங்கள்.

இதற்கான சிகிச்சை, கண்ணில் உள்ள பழுதான லென்ஸை எடுத்துவிட்டு புதிய லென்ஸைப் பொருத்துவது.

கருப்புக்கண்ணாடி அணிவது காட்டராக்ட்-ஐத் தடுக்கும்.

.க்ளாக்கோமா

.கண்ணில் ‘அக்வஸ் ஹுமர்’ அதிக அளவில் இருப்பதால் தோன்றுவது. இதனால் அழுத்தம் அதிகரித்து கண் நரம்புகளில் மோதி, நரம்புகள் பாதிக்கப்பட்டு, கண் பார்வை இழப்பு ஏற்படுகிறது.

முதியோர், இந்நிலை உள்ள உறவினரைக் கொண்டிருப்போர், கிட்டப்பார்வை உள்ளவர்கள், ஆப்பிரிக்க இனத்தைச் சேர்ந்தவர்கள் ஆகியோருக்கு க்ளாக்கோமா ஏற்பட வாய்ப்பு அதிகம்.

மேலே கூறப்பட்டிருக்கும் காரணங்கள் ஒருவருக்கு க்ளாக்கோமா இருக்கிறதா என்பதைக் கண்டறிய உதவுகிறது. கண் அழுத்தத்தை பரிசோதனை செய்வதன் மூலமும், அக்வஸ் ஹுமரின் வடிகால் முறையை சோதனை செய்வதன் மூலமும் கூட இதைக் கண்டறியலாம். இதற்கு ஆரம்ப நிலையிலேயே எச்சரிப்பதற்கான அறிகுறிகள் இல்லாததால், பார்வைக் குறைவு படிப்படியாக ஏற்படுகிறது; பாதிக்கப்படும் நபரும் அதை உணர்வதில்லை.

.ஆரம்ப நிலையிலேயே கண்டுபிடித்தால், இதை வெற்றிகரமாக குணப்படுத்த முடியும்.

.‘மேகுலா’வின் சீர்கேடு

ரெடினாவின் ஒரு பகுதியான மேகுலாவில் தான் அதிகபட்சமான ஒளி ஒருமுனைப்படுத்தப் படுகிறது; இதன் சீர்கேட்டினால் (கண்ணின்) மத்தியில் பார்வை அழிவு ஏற்படுகிறது.

.பொதுவாக முதுமை காரணமாகவும், பரம்பரை காரணமாகவும் ஏற்படும் இது, மெதுவாகப் பரவுகிறது. பாதிக்கப்பட்ட நபருக்கு மத்திய பார்வை அழிவு ஏற்பட்டாலும், கண்ணின் புறஎல்லையில் பார்வை அமைகிறது.

வருடத்திற்கு ஒரு முறை செய்யப்படும் பூரண கண் பரிசோதனையின் மூலம் இது கண்டுபிடிக்கப்படலாம்; அதன் தன்மையைப் பொறுத்து சிகிச்சை அளிக்கப்படலாம்.

கருப்புக்கண்ணாடி அணிவதன் மூலம் ‘மேகுலா’வின் சீர்கேட்டைத் தடுக்கலாம்.

ஆம்ப்லையோபியா

“கண் சோர்வு” எனப்படும் நிலை; ஒரு கண் மற்றொரு கண்ணை விட பலமிழந்து காணப்படுகிறது. இதனால் இரண்டு கண்களும் ஒருங்கிணைந்து ஒரு உருவத்தை காண்பது கடினமாகிறது.

பொதுவாக இளவயதிலேயே இது வருவதால், ஐந்து வயதிற்குள் இந்நிலை கண்டுபிடிக்கப்பட்டால் தகுந்த சிகிச்சையின் மூலம் சரி செய்யப்படலாம்.

பலமிழந்த கண்ணை மூளையுடன் சரியான முறையில் தொடர்பு கொள்ளச் செய்வதன் மூலம், அதை பலம் பெறச் செய்யலாம்.

வைட்டமின்-ஏ பற்றாக்குறை(க்ஸெரோப்தால்மியா)

வைட்டமின்-ஏ பற்றாக்குறையினால் ஏற்படும் கண் நோய்; சில சீர்கேடுகளில் ஆரம்பித்து இறுதியில் பார்வை இழப்பிற்கு காரணமாகிறது.

அதற்கான அறிகுறிகள் இவை:

• ‘பைடாட்’டின் புள்ளிகள் : கண்ணின் வெள்ளை பாகத்தில் நுரை போன்ற, வழவழப்பான, வெள்ளை திட்டாக தோன்றும் இது, இரவு நேரத்தில் கண் பார்வையை பாதிக்கிறது.
• பொதுவாக ஈரமாகவும், மழமழப்பாகவும், பளபளப்பாகவும் உள்ள கண்ணின் வெள்ளை பாகம், காய்ந்தும் சுருங்கியும் காணப்படுகிறது.
• கண் விழித்திரையில் தோன்றும் கீறல்கள், பார்வை இழப்பிற்கு காரணமாகின்றன.
• இரவு நேரத்தில் பார்வையின்மை, மற்றும் மங்கலான ஒளியில் பார்வை தடுமாறுவது.

ட்ராகோமா

மேற்புற கண் இமையில் தோன்றும் ஒரு தொற்றுநோய்; இதனால் கண் இமை உட்புறம் வளைவதால், இமைமுடி விழித்திரையில் கீறல் உண்டாக்குகிறது.

அறுவை சிகிச்சையின் மூலமோ அல்லது ஆண்டிபயோடிக்ஸ் அளிப்பதன் மூலமோ சிகிச்சை கொடுக்கப்படாவிட்டால், பாதிக்கப்பட்ட நபர் படிப்படியாக, மிகுந்த வேதனையுடன் பார்வை இழக்க நேரிடும்.

ரிவர் ப்ளைண்ட்னஸ்(ஆன்கோஸர்கியாஸிஸ்)

பொதுவாக ஆப்பிரிக்க நாடுகளில் அதிக அளவில் காணப்படுகிறது; நதிகளில் முட்டையிட்டு பெருகும் ஈக்கள் பரப்பும் ஒட்டுண்ணியின் மூலம் பரவுகிறது.

கண்களில் தாங்கமுடியாத எரிச்சல் தோன்றி, இறுதியில் பார்வை இழப்பு ஏற்படுகிறது.

கன்ஜங்டிவைட்டிஸ்

விழி வெண்படலத்தை மூடும் வெளிப்புற பாகமான ‘கன்ஜங்டிவா’-வைத் தாக்கும் ஒரு தொற்று நோய்.

இது மூன்று வகைப்படும் :

• வைரல் - சுவாசப்பாதையில் ஏற்படும் தொற்றுநோய், சளி அல்லது தொண்டைகட்டு ஆகியவை இதற்குக் காரணம்; சிவந்த கண்களும், கண்களிலிருந்து நீர் வடிதலும் இதன் அறிகுறிகளாகும்.
• அலர்ஜிக் - அழகு சாதனப் பொருட்கள் அல்லது மருந்துகள் போன்ற ரசாயனப் பொருட்களினால் ஏற்படும் ஒவ்வாமையே இதற்குக் காரணம்; கண்களில் அரிப்பு, கண்ணீர் வடிதல், கண் இமைகள் வீங்கி காணப்படுதல் ஆகியவை இதன் அறிகுறிகளாகும்.
• பாக்டீரியல் - பாக்டீரியாவினால் ஏற்படும் தொற்றுநோய்; இதற்குக் காரணம். கண் இமைகள் ஒட்டிக்கொள்ளுதல், வீக்கம், கண் சிவந்திருத்தல், கண்ணீர் வடிதல் ஆகியவை இதன் அறிகுறிகளாகும்.